خميس الثامري :تصفية الحسابات أضرت بالنادي البنزرتي وهذه رسالتي لجماهير الفريق


الاثنين 11 مارس 2019 - 14:08

إنقاد فريق النادي الرياضي البنزرتي لهزيمتين متتاليتين ضد كل من إتحاد بن قردان والنادي الرياضي بحمام الانف ويقدم حاليا نادي قرش الشمال موسم إستثنائي أين يحتل الفريق المركز الثالث برصيد 31 نقطة .

وعلى إثر تراجع النتائج توجه حارس الفريق خميس الثامري برسالة عبر موقع فايس بوك لجماهير الفريق " قبل كل شئ ولأن مصيري نكون أكثر من لاعب وإلا قائد فريق في جمعيتي سمحت لروحي باش نكتب هالكلمتين..
نتألم كي نرا اليوم عباد خرجت مالحفر الي كانت متخبية فيها وقت النتائج إيجابية وولات اليوم تنضّر و تحلل و تصفّي في حسابات شخصية و ما يهمهاش الجمعية..
ندائي اليوم لولاد و بنات ورجال الجمعية الصحاح الي مع بعضنا نخرجو من فترة الفراغ هاذي لكن بالنقد الباهي و المحاسبة للمخطئ من غير التجريم و حتى حد لاهو فوق الجمعية..
نتكلم اليوم و أحنا في وقت انجمو فيه نرتبو بيتنا قبل بقية المقابلات .. نخليو مشاكلنا الخاصة ورانا و نلتفو لجمعيتنا الي في حاجة اليوم للغيورين عليها الكل ..
ما نصغروش المشاكل اما زادة ما نكبروهاش و لا يشمّت فينا عدو .. وإنشاءاللّٰه ما نتعداوش بجنب موسم نستحقو فيه أكثر من هكا "